Dü Da Do Postauto

Ich stahne a de Haltestell

Da fahrt er um de Rank

Er lüchtet gäl wie nen Sunnestrahl

Blibt stah und macht kein Wank

Ich stige i bin chli nervös

D'Froid isch mega gross

De Chauffeur frögt: "Sind alli da?"

S'Postauto fahrt los

DÜ DA DO POSTAUTO

DÜ DA DO POSTAUTO

Mir fahred mit em Postauto über Berg und Tal

S'isch flink und passt dur jedi Gass

Ob breit oder ganz schmal

De Chauffeur huped und rüeft luut: "S'Postauto isch da!"

Und alli a de Haltestell rüefed luut: "Hurra!"

DÜ DA DO POSTAUTO

DÜ DA DO POSTAUTO

Jetzt isch Ziit mir fahred zrug

Mir sind dihäi acho

Und wänn ich hüt im Bettli lig

Troim ich vom Postauto

DÜ DA DO POSTAUTO

DÜ DA DO POSTAUTO

DÜ DA DO POSTAUTO

DÜ DA DO POSTAUTO