Lyrics
ተንገበገበልሽ አረረልሽ ሆዴ
አትራቂኝ በኔ ሞት አይብዛ መንደዴ
ያስታርቀን መውደዴ
ልመናዬን ስሚኝ ይቅርታሽ ይድረሰኝ
ጥፋቴን ለመርሳት እኔ አቅም አነሰኝ
ልቤ እየወቀሰኝ
ከትዝታሽ ንዳድ አልዳነም አንጀቴ
አንቺን ካጣሁ ወዲህ ተጨንቋል ስሜቴ
አልበላም አልጠጣም እምቢ እያለኝ ሆዴ
ለይግባኝ ሳይታይ ሊቀር ነው ወይ ፍርዴ
የእድሜዬን ጧት ማታ በትካዜ ገፋሁ
አጣሁት ሰላሜን አንቺን ስላስከፋሁ
ያለውን ችያለሁ መጪው ካልከበደኝ
ፀልይልኝ ፍቅርሽ እንዳያሳብደኝ
ላንቺ ይብላኝ እንጂ አልል አልተመቸኝ
ላንቺ ይብላኝ እንጂ አልል አልተመቸኝ
እወዳታለሁ ማለት አይሰለቸኝ
እወዳታለሁ ማለት አይሰለቸኝ
ተራዬን ብነሳ ልበር እንደገዴ
ብመርጠው መራቁን በልጥራኝ መንገዴ
ስትሄጂ ቢከፋኝ ስሞታ አላሰማ
ተለየሽኝ ብዬ ዛሬ አንቺን አላማ
ክፉሽን አውርቼ አልኖርም ሲቆጨኝ
ቅናት ነው ጠላቴ እኔ የሚያነጫንጨኝ
ዳር እስከ ዳር ብዞር ልክሽን አላገኝ
ልርሳሽ ብል መንፈሴ ሰውም አያረገኝ
እንባዬን ባፈሰው አፍ ላይ ደቀኑበት
የኔ ቃላት ናቸው እኔን የቀኑበት
አይኔን እየረሳሁ በዛፍ በቅጠሉ
ተብሰልሳይ አርጎኛል ካንቺ መነጠሉ
ትካዜን አጥምደው ምንም ቢፈዙበት
ያዩበታል እንጂ ወፍን አይዙበት
እባክሽ እባክሽ ታረቂኝ ተይ አታስጨንቂኝ
እባክሽ እባክሽ ታረቂኝ ተይ አታስጨንቂኝ
ልቦናሽ ከኔ አካል ሊርቅ መወሰኑ
ጠፍቶብሽ ይሆን ወይ የመቻል ወሰኑ
አንድም ፀፅቶኛል ለሱ በይኝ ይቅር
አይለምደውም ጥፋት ሰው ሲቀጣው ፍቅር
ልቦናሽ ከኔ አካል ሊርቅ መወሰኑ
ጠፍቶብሽ ይሆን ወይ የመቻል ወሰኑ
አንድም ፀፅቶኛል ለሱ በይኝ ይቅር
አይለምደውም ጥፋት ሰው ሲቀጣው ፍቅር
እሄሄሄ እሄሄሄ ነይ
ምነው በትዝታ ሁሌ እንደምመኝሽ
ከጉጉቴ መረብ ተቀምጠሽ ባገኝሽ
እኔ አዳኝ አይደለሁ አላልም በጫካ
ምንሽሬ እንባ ነው ምንም ባይሳካ
ብዙ ማልቀስ በአዳም ባይለመድ እንኳን
ባንቺ ሀዘን ልቤ ላይ አስጥያለሁ ድንኳን
ብትሰባብረኝም ምድር ለአራት ታጥፋ
አብረን እንኑርና እስኪ አብሬሽ ልጥፋ
ቀራኒዮም ይስማ ጎሎጎታም ይወቅ
አይረዳን ምረቱ እኛ ሳንታረቅ
ባይፃፍም ሰዓት ላለም መጨረሻ
ቀን ማጣት ምፃት ነው ላንቺ መመለሻ
እባክሽ እባክሽ ታረቂኝ ተይ አታስጨንቂኝ
እባክሽ እባክሽ ታረቂኝ ተይ አታስጨንቂኝ