الليل سادة

الليل سادة والطواريق مُرّة

والحلم حالي بس ما له مواري

إحساسي اللي لو بقى منه ذرَة

والله ما تذري عليها الذواري

والجرح أبرا منه وأحيان ابرّه

وإن ما برى أو ما براني مباري

إن ما سمعت لناي الأوجاع جَرّه

في داخله تجري عليه الجواري

الليل سادة والطواريق مُرّة

والحلم حالي بس ما له مواري

واللي نشد عن وجد قلبي وسرّه

خذوه معهم يمّ هاك المحاري

البعد هذا يكفي الله شرّه

غريب وعيون المقفّي دياري

لا جيت أعاتب بالهوى واتشرّه

ولا رحت اباخذ بالغيابات ثاري

لله درّ الصمت لله درّه

ما به حسايف لو جروحه ضواري

الليل سادة والطواريق مُرّة

والحلم حالي بس ما له مواري

لا ضيقةٍ تكسف عيون المسرّة

ولا عتيمٍ تقتفيه المساري

قلبي لاهو بارد ولا فيه حرّة

وبالي خليّ من العَسس والطواري

هذه سواحل راكد الدمع مُرّه

يوم أجحفت في حقَ أهلها العباري

تسري رجاوينا على حين غرّة

والحرّ ما يبلش بصيد الحباري

الليل سادة والطواريق مُرّة

والحلم حالي بس ما له مواري

الليل سادة