Lyrics
Хүлгийн сайныг эмээллэж
Холын бартааг зориорой
Хүний сайнтай нөхөрлөж
Хүчин чадлаа нэмээрэй
Дэмэн дэмэн алхуулсаар
Тэмдэгт газраа очиндоо
Домботой цайгаа барьсаар
Тэр минь намайг угтана даа
Эрэмбэ горимбо дараатай
Эртний заншлыг эвдэнэ би
Өвдөг нуглан сөхөрдөг
Боолын ёсноос гажина би
Өглөг буян хоёроор
Өнө насыг барахгүй
Өргөн энэ дэлхий дээр
Өөрийн дураар явна би
Ангир шувууны дэгдээхэй
Айлын нохойд хөөгдөх шиг
Амарч суух чөлөөгүй
Араас дайсан хөөгөөстэй
Хөвчин хангай дэлхий дээр
Хүний газар байхгүй шүү
Хүлгийн сайны чадлаараа
Хүрэхгүй газар байхгүй шүү
Эрээн бараан бүтэн дунд
Элээ суугаад ирдэг шиг
Энэ л жаахан бие минь
Зэрэвгэр хаданд ганцаараа
Түмэн олон минь байхгүй бол
Торой банди байхгүй сан
Төрүүлсэн эх шиг та нар минь
Төөхөн биеийг минь өршөөгөөсэй
Өшөө хорсол хоёр гэдэг
Үргэлж намайг алдаг юм
Хундагаа мундагаа тасал даа
Төрсөн андгаа няцахгүй
Түмэн олон минь байхгүй бол
Торой банди байхгүй сан
Төрүүлсэн эх шиг та нар минь
Төөхөн биеийг минь өршөөгөөсэй