Aalilayum

ആലിലയും കാറ്റലയും കഥ പറയും കാവ്

ചന്ദനവും പെയ്തു വരും പഞ്ചമി രാവ്

അരിമുല്ലേ വരുന്നുണ്ട് വിരുന്നുകാരൻ

അവനല്ലേ കിനാവിൻ്റെ കുരുന്നു മാരൻ

ആവണിരാവിൻ്റെ വെള്ളിനിലാ നൂലിഴകൾ നീ അണിയുന്നോ

ആതിര നാളിൻ്റെ ഓർമ്മയിലെ മഞ്ഞലയിൽ നീ കുളിരുന്നോ

അരിമുല്ലേ വരുന്നുണ്ട് വിരുന്നുകാരൻ

അവനല്ലേ കിനാവിൻ്റെ കുരുന്നു മാരൻ

ആലിലയും കാറ്റലയും കഥ പറയും കാവ്

ചന്ദനവും പെയ്തു വരും പഞ്ചമി രാവ്

അഴകിൻ്റെ തളിരുകൾ ഒരുങ്ങി നിന്നു

ഇല മൂടും തളിരുടൽ ഒതുങ്ങി നിന്നു

നിറമുള്ള ചിറകുമായ് അവനണഞ്ഞു

നനവുള്ള കവിളിലായ് തൊടുന്നുവോ പൊതിഞ്ഞുവോ

അവനെന്തേ കുറുമ്പുമായ് മൊഴിഞ്ഞു മെല്ലെ

അവളെന്തേ കുറുമ്പനായ് കുഴഞ്ഞു മെല്ലെ

ആലിലയും കാറ്റലയും കഥ പറയും കാവ്

ചന്ദനവും പെയ്തു വരും പഞ്ചമി രാവ്

കനവിൻ്റെ ഇരവുകൾ ഉലഞ്ഞുവെങ്ങോ

കരളിൻ്റെ കതകുകൾ തുറന്നുവെങ്ങോ

അവൻ നിൻ്റെ കുമ്പിളിൽ പറന്നിരുന്നു

മധുവുള്ള ചൊടിയതിൽ ഉരുമ്മിയോ നുണഞ്ഞുവോ

അവനെന്നും മിഴിത്തുമ്പിൽ വസന്തമല്ലേ

ഇനി നീയെൻ മനസ്സിൻ്റെ സുഗന്ധമല്ലേ

ആലിലയും കാറ്റലയും കഥ പറയും കാവ്

ചന്ദനവും പെയ്തു വരും പഞ്ചമി രാവ്

അരിമുല്ലേ വരുന്നുണ്ട് വിരുന്നുകാരൻ

അവനല്ലേ കിനാവിൻ്റെ കുരുന്നു മാരൻ

ആലിലയും കാറ്റലയും കഥ പറയും കാവ്

ചന്ദനവും പെയ്തു വരും പഞ്ചമി രാവ്