Lyrics
उस दिन तेरी खातिर थी जीते जी मर गई मैं
जीते प्यारे माणस गेल जो धोखा कर गई मैं
तेरे मेरे प्यार पे नजर काली पड़ गई थी
ब्याह का जोड़ा लाल पहर थी सूली चढ़ गई मैं
कई फरज रे जीते जी निभाने पड़ ज्या से
मन मारके स्याही बिंदी सुरखी लाने पड़ ज्या से
मन मारके स्याही बिंदी सुरखी लाने पड़ ज्या से
इब कोसे जाऊ खुद ने मैं इकरार नई करना था
बापू की पगड़ी प्यारी थी तो प्यार नई करना था
छोरियां की मजबूरी की कोई पीड़ ना जाने रे
तन्ने भी पागल मेरा इतबार नई करना था
रे इज्जत खातिर तीर जिगर में खाने पड़ ज्या से
मन मारके स्याही बिंदी सुरखी लाने पड़ ज्या से
मन मारके स्याही बिंदी सुरखी लाने पड़ ज्या से
सोच सोच के छाती में एक आग सी उठे से
दूर तेरे ते जाकर यार मेरा जी सा घुटे से
माड़ी किस्मत मेरी गेल या खेल सा कर गई क्यूं
क्यूं जीते प्यारा कोई बीच बिचाले छूटे से
कोई देख लेवे ना आंसू दर्द छिपाने पड़ ज्या से
मन मारके स्याही बिंदी सुरखी लाने पड़ ज्या से
मन मारके स्याही बिंदी सुरखी लाने पड़ ज्या से