Lyrics
सूर सनईत नादावला
सूर सनईत नादावला
पूर नयनांत या दाटला
सांग विसरू कशी मी तुला
सूर सनईत नादावला
पुण्यवंतापरी या घरी जन्मले
सात जन्मांतले भाग्य जे लाभले
सात या पाउली विस्मरू मी कशी
मूर्त आई तुझी वत्सला
सूर सनईत नादावला
सान होते कशी मूक वेडी कळी
अमृताने तुझ्या वाढले मी खुळी
रोमरोमी जयाच्या तुझ्या भावना
गंध विसरेल का गे फुला
सूर सनईत नादावला
पूस डोळे नको हुंदके आंसवे
चालले गे जरी मी पतीच्यासवे
माउली तू मला साउली जीवनी
मी तुझी लाडकी प्रेमला
सूर सनईत नादावला
पूर नयनांत या दाटला
सांग विसरू कशी मी तुला
सूर सनईत नादावला