Lyrics
Ár skal rísa,
sá er annars vill
fé eða fjör hafa
sjaldan liggjandi ulfr
lær of getr
né sofandi maðr sigr.
Vápnum sínum
skal-a maðr velli á
feti ganga framar,
því at óvíst er at vita,
nær verðr á vegum úti
geirs of þörf guma.
Betra er lifðum
en sé ólifðum,
ey getr kvikr kú
eld sá ek upp brenna
auðgum manni fyrir,
en úti var dauðr fyr durum.
Haltr ríðr hrossi,
hjörð rekr handar vanr,
daufr vegr ok dugir,
blindr er betri
en brenndr séi,
nýtr manngi nás.