Lyrics
قالوا دي يوم، يومين آخرها، ولو توصل لفين في غيرها
دي وقعة ووقعتين كبيرها ونمسح اسمها
قالوا كلام كتير وأعدّي، أنا مش شايفة غير تحدّي
عايزة أفرح وأطير لوحدي بناس أنا أحبها
أنا جامدة ومش بخاف، أنا عاشقة الإختلاف
أنا شايلة على الكتاف أحلامي من زمان
أنا واحدة بألف روح، أنا عايشة بكوم طموح
خلي اللي يروح يروح، وهكمل مهما كان
مهما بقع بقوم قوية، ولو وسط الهموم بمية
أنا مش هبقى يوم ضحية ووعد الحر دين
أنا رحلة في لِعب طفولتي، أنا قصة تعب بطولتي
قلبكوا ليه اترعب دي صورتي، شفتوا وصلت فين؟
أنا جامدة ومش بخاف، أنا عاشقة الإختلاف
أنا شايلة على الكتاف أحلامي من زمان
أنا واحدة بألف روح، أنا عايشة بكوم طموح
خلي اللي يروح يروح، وهكمل مهما كان