Lyrics
Māri ana te koa ki te Ariki
Te noho tapu ki ōna kupu i te ao i te pō
Me he rākau ia kua toua ki taha kōawa
Hei te tau tītoki ka whai hua
He rau hoki ōna e kore e kōmae
Ahakoa tana mahi ka pāhautea
Māri ana hoki ko rātou e noho tapu ana i te āhuru mōwai o te Ariki
E noho pūmau ana ki a ia me he akatea e rapa ana ki te aka matua
Nō rātou te mana o tikitiki o rangi
Nō te Atua hoki te korōria o ngā hua pai
Ko te Ariki hoki e matapōpore nei ki te hunga whakapono
Rātou e kawe ana i tana aroha
E whai ana hoki i te ara tika
Māna ōna akatea e whāngai ki te waiora
Ko te mauri māna e tāmata
Ko te hirikapo māna e wete
Ko te wairua māna e taute
Māri ana te koa ki te Ariki
Kia māri koe