Dhuke Datalele Udas Udas

धुके दाटलेले उदास उदास

मला वेढिती हे तुझे सर्व भास

धुके दाटलेले

उभी मूक झाडे, विरागी किनारा

उभी मूक झाडे, विरागी किनारा

झुरे अंतरी अन् फिरे आर्त वारा

कुणीही न येथे दिसे आसपास

धुके दाटलेले

कुठे चालल्या या दिशाहीन वाटा

कुणा शोधिती या उदासीन लाटा

दिशांतून दाटे तुझा एक ध्यास

धुके दाटलेले

क्षणी भास होतो, तुझे सूर येती

क्षणी भास होतो, तुझे सूर येती

जिवा भारुनी हे असे दूर नेती

स्मृती सोबतीला असा हा प्रवास

धुके दाटलेले