Lyrics
I te timatanga ko te Kupu
I te Atua te Kupu
Ko te Atua anō te Kupu
I te Atua anō tēnei Kupu i te timatanga
Whakamānawatia a Ihu ūhia e te wairua tapu
Ihu poua e te kaihanga nui
Kaikawe o te rongopai
Kaiwete o ngā here
Nāna te auhitanga i mahu
Nāna te tāmitanga i motu
Ruia te pō
Ka ao
Ka ao
Ka awatea!
He tauākī
He tūmanako
He tōnuitanga
He murimuri aroha nō te Atua
Maiea, maiea!
Whakaaraara mai, kua taurangitia
Ko tēnei te tau o tō te ariki atawhai
Tēnei te tomo ki roto i a koe
E Ihu
Whakawahia mai nei
He kura taioreore
He wairua koa
He ngākau whakawhetai
Ka tapaina nei
He tōtara haemata
He kākano i rūia mai i Rangiātea
Kua tupu
Kua rea
Kua puāwai mōu
E taku Ariki
Me ko te puāwaitanga o te pārekereke
Matomato ana te tupu
Ka whakangaoa e te kaihanga nui te tika
Me te whakamoemiti ki roto i a au
Ōtirā i a mātou
Tūturu whakamaua kia tīna (tīna)
Haumi e
Hui e
Tāiki e