Torah Medley

גיט זיי דער מלאך צו פארשטיין

דער פאמיליע לעבן דארף זיין ריין

זאגט זיי ניין האלט עס אליין

איר ווייסט נישט מיסיאר וואוהין צו גיין

מיר האבן געלערנט בא די טאטעס אליין

אזוי ווי בא אונז איז שיין

ניין ניין האלט עס אליין

מיר האבן אן אנדער מיין

אפשר פראוווט קיין ענגלאנד גיין

אפשר וועט מען אייך פארשטיין

איז דער מלאך געפלויגן ווייטער אין וועג

קומט קיין לאנדאן אויפן ברעג

און די ענגלענדער די תורה ווייזט ער

און פרעגט צו א בעלן איז ווער

זאגן זיי טענק יו סער

ווייזט נאר איין געזעץ אהער

זאגט זיי דער מלאך לא תחמוד

אי זאלסט נישט גלוסטן וואס יענער האט

זאגן זיי ניין האלט עס אליין

איר ווייסט נישט מיסטער וואוהין צו גיין

מיר האבן געלערנט בא די טאטעס אליין

אז גלוסטן דארף מען וואס מיין

ניין ניין האלט עס אליין

מיר האבן אן אנדער מיין

אפשר פראוווט קיין אמעריקא גיין

אפשר וועט מען אייך פארשטיין

איז דער מלאך געפלויגן וויטער מיט זארג

און איז געקומען קיין ניו יארק

די אמעריקאנער די תורה ווייזט ער

און פרעגט צו אבעלן איז ווער

זאגן זיי טענק יו פיין

וואס פאר א ביזנעס וואס פאר א ליין

זאגט זיי דער מלאך הערט מיט קאפ

כבוד טאטע מאמע גיט אפ

זאגן זיי ניין האלט עס אליין

מיר גיבן אפ כבוד נאר דער יוגנט אליין

פאר די עלטערע גענוג איז פאר זיי

דער יום טוב מאדערס דיי

ניין ניין האלט עס אליין

מיר האבן אן אנדער מיין

אפשר פראוווט צו י אראבער גיין

אפשר וועט מען אייך פארשטיין

איז דער מלאך געפלויגן און געבליבן שטיין

אין אזיע אי עבר הירדן

די אראבער די תורה ווייזט ער

און פרעגט צו א בעלן איז ווער

זאגן זיי גוט מאפסוט

ווייזט נאר פריער וואס מען טוט

זאגט זיי דער מלאך לא תגנוב

נישט גנב'ע און נישט בלאף

זאגן זיי ניין האלט עס אליין

איר ווייסט נישט כאוואדזשא וואוהין צו גיין

מיר האבן געלערנט בא די טאטעס אליין

אז גנב'ענען דארף מען וואס מיין

ניין ניין האלט עס אליין

מיר האבן אן אנדער מיין

אפשר פראוווט צו די אידן גיין

אפשר וועט מען אייך פארשטיין

אין מיטן וועג דער מלאך שטייט

זעט ער א איד א משולח גייט

דער טלית קטן לאנג און ברייט

האט ער זיך דערפרייט

די תורה האט ער אים דערלאנגט

און דער משולח האט בעדאנקט

ווארט נאר זאגט ער היילט זיך ניט

איך גיב אייך א רעסיט

קיין גלייכע פארל הטא איר נישט

ווי די תורה מיט דעם איד

ביידע זיינען די בעסטע פריינד

ווייל מען האט זיי ביין פיינט

אין איין בורא גלויבט דער איד

און קיין שלעכטץ טאן קאן ער נישט

און כבוד טאטע מאמע גיט

און דעם היילקן שבת היט

ווי דער מלאך האט עס דערהערט

האט ער זיך צוריקגעקערט

און געזאגט אויפן הימל דארט

אז די תורה איז אויף'ן בעסטן ארט"

"התורה והאומות - די תורה און די פעלקער"