Armash

አርማሽ ይውለብለብ ከደጄ

ልቤ ናፍቆሻል ወዳጄ

እኔስ እስካይሽ ጨነቀኝ

ሀገሬ መምጫሽ ናፈቀኝ

ቀን እየሄደ ቀን መጣ

ልቤ ከሀሳብ ሳይወጣ

መጥታ ታብሰው እንባዬን

ሀገሬን ጥሯት አርማዬን

መቼም ከዚህ ምድር ላይ ሄዶ ነው ሁሉም ቀሪ

አገር ናት ቋሚ ሰንደቅ ለዘላለም ኗሪ

ትላንትም እንደ ጀምበር እያዩት ካይን ይርቃል

ኢትዮጵያ እንድትመጪ ስንት ቀን ይበቃል

እኔማ ላይሽ በቶሎ ምኞት ነበረኝ

ግን ባባሁ ናፈኩሽ እና ዕምባ ቀደመኝ

እኔማ አለሁ እስካሁን ተስፋ ሰንቄ

በወንዜ ባገሬ እያለሁ አገር ናፍቄ

ወጥተሽ በምሥራቅ አንቺ ያለም ጀምበር

አንድ አርጊንና ጠላትሽ ይፈር

የቦረኩበት በልጅነቴ

የያኔው መልክሽ ብቅ ሲል ፊቴ

እየመለሰኝ ወደ ትላንቱ

ናፍቆኝ በብርቱ ትዝ አለኝ የጥንቱ

እ... እ... እ...

አርማሽ ይውለብለብ ከደጄ

ልቤ ናፍቆሻል ወዳጄ

እኔስ እስካይሽ ጨነቀኝ

ሀገሬ መምጫሽ ናፈቀኝ

አገር ለክብሩ ሲጣራ

ከፍ ያደረግነው ባንዲራ

ዘመም ሳይል ቀን ጎሎ

ባክሽ ኢትዮጵያ ነይ ቶሎ

ብዙነሽ አንቺ አገሬ የሞላሽ ታምራት

ምኩራብሽ የተፈራ የነጻነት ቤት

የአርበኞች የድል ችቦ ለትውልድ እንዳበራ

መኖር ላገር ሲሆን ሞትም አያስፈራ

እኔማ ላይሽ በቶሎ ምኞት ነበረኝ

ግን ባባሁ ናፈኩሽ እና ዕምባ ቀደመኝ

እኔማ አለሁ እስካሁን ተስፋ ሰንቄ

በወንዜ ባገሬ እያለሁ አገር ናፍቄ

ዓመት አውዳመት ድገመን ሲሉ

ልጆች በቀዬው ችቦ እያበሩ

መስቀል ፋሲካው ዒድ እንቁጣጣሽ

አውዳመት አይሆን አንቺ ካልመጣሽ

ዘመን አድሰሽ በፍቅር ቀለም

ብቅ በይ ኢትዮጵያ ሁኚና መስከረም

ሆነሽ መስከረም (አስዮ)

ብቅ በይና (ቤሌማ)

እንበል አሲዮ (አስዮ)

ናና ቤሌማ (ቤሌማ)

ብቅ በይና (አስዮ)

ሆነሽ ሙሽራ (ቤሌማ)

ይብቃን ስደቱ (አስዮ)

ስቃይ መከራ (ቤሌማ)

ቤሌም ቤሌማ (አስዮ)

ናና ቤሌማ (ቤሌማ)

ዘር ያበቀለው (አስዮ)

ታጭዷል መከራው (ቤሌማ)

የኢትዮጵያዊነት (አስዮ)

አሁን ነው ተራው (ቤሌማ)

አስዮ አስዮ (አስዮ)

ና ና ቤሌማ (ቤሌማ)

ቤሌማ (አስዮ)

ና ና ቤሌማ (ቤሌማ)

ዘመን አድሰሽ (አስዮ)

በፍቅር ቀለም (ቤሌማ)

ብቅ በይ ኢትዮጵያ (አስዮ)

ሆነሽ መስከረም (ቤሌማ)

እኛስ ከመንገድ ላይ ጠፍተን መች አወቅነው