Ee Jeevana Tharangalalo

పది మాసాలు మోశావు పిల్లలను

బ్రతుకంతా మోశావు బాధలను

ఇన్ని మోసిన నిన్ను

మోసేవాళ్లు లేక వెళుతున్నావు

ఈ జీవనతరంగాలలో... ఆ దేవుని చదరంగంలో

ఎవరికి ఎవరు సొంతము

ఎంతవరకీ బంధము

కడుపు చించుకు పుట్టిందొకరు

కాటికి నిన్ను మోసేదొకరు

తలకు కొరివి పెట్టేదొకరు

ఆపై నీతో వచ్చేదెవరు

ఆపై నీతో వచ్చేదెవరు

ఈ జీవనతరంగాలలో... ఆ దేవుని చదరంగంలో

ఎవరికి ఎవరు సొంతము

ఎంతవరకీ బంధము

మమతే మనిషికి బంధిఖాన

భయపడి తెంచుకు పారిపోయినా

తెలియని పాశం వెంటపడి

ఋణం తీర్చుకోమంటుంది

తెలియని పాశం వెంటపడి

ఋణం తీర్చుకోమంటుంది

నీ భుజం మార్చుకోమంటుంది

ఈ జీవనతరంగాలలో... ఆ దేవుని చదరంగంలో

ఎవరికి ఎవరు సొంతము

ఎంతవరకీ బంధము

తాళికట్టిన మగడు లేడని

తరలించుకు పోయే మృత్యువాగదు

ఈ కట్టెను కట్టెలు కాల్చక మానవు

ఆ కన్నీళ్లకు చితిమంటలారవు

ఈ మంటలు ఆ గుండెను అంటక మానవు

ఈ జీవనతరంగాలలో... ఆ దేవుని చదరంగంలో

ఎవరికి ఎవరు సొంతము

ఎంతవరకీ బంధము

ఈ జీవనతరంగాలలో ఓ ఓ