Letras
ទុក្ខអ្វីមិនស្មើ ទុក្ខប្រពន្ធពីរ
ធ្ងន់ជាងគិរី ធំជាងធរណីវារីសមុទ្រ
រលកគ្រាំគ្រាម ឱ្យខ្ញុំតក់ស្លុត
ទោះបី ខ្ញុំខំប្រយុទ្ធ
ក៏មុខអាវុធ លែងមុតទៅហើយ
ប្រជានុរាស្ត្រ និងអស់មន្ត្រី
អ្នកក្រសេដ្ឋី ចាញ់ដៃស្នេហាដូចខ្ញុំនេះទេ
អស្ចារ្យជាតិនេះ ទឹកភ្នែកព្រោះស្នេហ៍
ខ្ញុំសូមប្រកាស ស្បថស្បែ
ខ្លាចហើយទ្វីបស្នេហ៍ រែកពន់សែងលី
បើកោរសក់បួស ជួលជុលនិស្ស័យ
ខ្មាសភពផែនដី
សាងផ្នួសព្រោះស្រី គ្មានបានបុណ្យឡើយ
ជញ្ជីងស្នេហា ធ្ងន់ណាស់លោកអើយ
ថ្លឹងហើយ ធ្ងន់ទាំងសងខាង
ទឹកភ្នែកគ្រប់យ៉ាង ស្រោចខ្ញុំម្នាក់ឯង
ពស់វែកមានពិស គង់សកស្រកា
ជាតិជាមនុស្សា គង់ចែកដីគ្នានាឋានព្រះចន្ទ
តណ្ហាសត្វលោក លោភឥតក្របខណ្ឌ
មេឃមួយ ផ្កាយរះរយពាន់
ចិត្តស្នេហ៍ប្រចណ្ឌ ផ្តន្ទាខ្ញុំណាស់
ពស់វែកមានពិស គង់សកស្រកា
ជាតិជាមនុស្សា គង់ចែកដីគ្នានាឋានព្រះចន្ទ
តណ្ហាសត្វលោក លោភឥតក្របខណ្ឌ
មេឃមួយ ផ្កាយរះរយពាន់
ចិត្តស្នេហ៍ប្រចណ្ឌ ផ្តន្ទាខ្ញុំណាស់