Letras
Stand no eimol uf de Piazza
Und d Koffer sind scho packt
Im Stoh de letscht Espresso
Loh mis Münz als Trinkgäld do
Stiig in Charre zu de Chind
Wo sich freued für Dähei
Numen i bi mit mim Blues ganz ällei
Warum cha's nit so liecht sii
Wie am erschte Tag
Warum schmöckt's nie so süess
Wie dr erschti Schluck vom Glas
Warum muess immer öpis cho
Wo wider noime druckt
Säg, warum bliibt s grösschte Glück nur churz
Nach em erschte Kilometer
Schmöck i no chli s Meer
Nach em zweite wird das Riisse
Immer bitzli meh
S Gepäck wird immer schwerer
Dur jedes Tunnel won i fahr
Und de Nebel schliicht sich scho vo hinden a
Warum cha's nit so liecht sii
Wie am erschte Tag
Warum schmöckt's nie so süess
Wie dr erschti Schluck vom Glas
Warum muess immer öpis cho
Wo wider noime druckt
Säg, warum bliibt s grösschte Glück nur churz
Bliibt s grösschte Glück nur churz
Bliibt s grösschte Glück nur churz
Warum cha's nie so liecht sii
Wie am erschte Tag
Warum schmöckt's nie so süess
Wie dr erschti Schluck vom Glas
Warum muess immer öpis cho
Wo wider noime druckt
Säg, warum bliibt s grösschte Glück nur churz
Säg, warum bliibt s grösschte Glück nur churz