Letras
בעזרת השם, דא נישט ווייט אויף די וועגן
א טרעין פול מיט מענטשן עס פארט
איין טרעין פארט גלייך, און די צווייטע אנטקעגן
יעדער צו זיך אויף זיין ארט
פארן זיך אידן, פאררוקט אין א ווינקל
יעדער אהיים צו זיך פארט
ס'איז צייט דאווענען מנחה
עס איז שוין באלד טונקל
און פרעמד אומבאקאנט איז דער ארט
איינער גייט צו, צום קאנדאקטער אים פרעגן
און קומט גלייך צוריק מיט א געוואלד
מיר האבן פארבלאנדזשעט אויף אנדערע וועגן
מיר מוזן זיך אומקערן באלד
אוי לאמיר זיך אומקערן אידעלעך
צוריק אויפ'ן ריכטיגן וועג
אוי לאמיר זיך אומקערן ברודערלעך
אוי איידער דער טאג גייט אוועק
ווייל א מענטש איז נישט מיין
פון פלייש און פון ביין
און ער קען מאכן א פעלער
ווער עס האלט קאפ
שטעלט זיך גלייך אפ
און טוט זיך אומקערן וואס שנעלער
און ביי דעם בארג סיני, האט מען אונז געגעבן
א גלייכן און זיכערן וועג
וואס פירט בשלום אדורך אונזער לעבן
און פירט נאך אונז ווייטער אוועק
עס האט זיך געטראפן, עס האבן פיל אידן
אביסל אין זייט זיך אוועק
און האבן פארזעהן די סימנים צו היטן
און זענען אראפ פון דעם וועג
מען טראגט פרעמדע נעמען
מען עסט פרעמדע עסן
מען האט נישט קיין אידיש'ן בליק
זיי האבן שוין נעבעך אינגאנצן פארגעסן
אז ס'איז דא א וועג אויף צוריק
אוי לאמיר זיך אומקערן אידעלעך
צוריק אויף דעם ריכטיגן וועג
אוי לאמיר זיך אומקערן ברודערלעך
צוריק צו אמאליגע טעג
א מענטש איז נישט מיין
פון פלייש און פון ביין
און ער קען מאכן א פעלער
ווער עס האלט קאפ
שטעלט זיך גלייך אפ
און טוט זיך אומקערן וואס שנעלער
אוי לאמיר זיך אומקערן אידעלעך
כל זמן די זון נאך זי שיינט
לאמיר זיך אומקערן ברודערלעך
וואס גיכער, וואס שנעלער נאך היינט
אנטקעגן טוט שטיין
א ליידיגער טרעין
אהיים באלד צוריק וועט ער פירן
וואס געווען, איז געווען