نحنَ أصحابو

لو كان هالشارع ملكي،لهدّ الشارع بسوادو

وابنيه بحجار حنونة،ابني حتى ذكرياتو

وتفوح بالياسمين طرقاتو

كم حر مات منشانو،كم نعوة معلّقة فيه

سوا بدنا نبني حيطانو،براتو،كيف منحميه

بلكي يرجع انتمائنا ليه

و بحيطانو رح ابنيلك،حجار ريحتها وطن

سواد الماضي امحيلك،وبكرامة تعيش العمر

وابني تحتو غابة سودا،سميها غاب العَلَق

بعيش فيها الندل واتباعو،اللي ظلم شعبو وهرب

ايامنا الحلوة سرق

وبيت بعيد للاحمر,يلي اختار الظلم وتكبّر

لمّا صارت بلدي حرّة،عالماضي صار يتحسر

الغلطان رح نسامحو،بس الخاين ما بيتأمن

يبيع كرامتو مشان مصالحو،وبألف لون بيتلوّن

ورح ابني بيت للضيف،يلي سكر بوجهي بابو

لما تصير حياتو خريف،ويقلب عليه دولابو

وبحيطانو رح ابنيلك حجار ريحتها سلام

ليعيش المسلم وغيرو،شارع لكل الاديان

شارع كلنا يحتوينا

جواتو بأمان يخلينا

نكون نحنا صحابو

وما يقبل

لاجئين يسمينا