Letras
Ölümlə həyat arasında bir addım var, cəmi bir addım
Azadlıqla qul olmaq arasında bir addım var
Siz yazmadınız
Azadlıqla qul olmaq arasında bir addım var
Azadlıq yaratdılar, sonunda dağıtdılar
Nə mənim qanadım var, qandalları qırım, uçum
Təhlükə anında bir addım geriyə və hücum
Bu sətirlər vücudum, həm yol, həm uçurum
Bu sətirlər yaşayır, bağlansa da əlim, qolum
Bu sətirlər qoruyur sevgini, olmasa da sevgi
Bu sətirlər fəryad qoparanların həyəcan zəngi
Başlıqsız sətirlərim, mənim obrazım çətin
Yazılarımda tapılır izi qanlı cinayətin
Həyatım kinayəsiz insanlar aləmində
Varlıların cənnəti, kasıbların cəhənnəmində
Hərənin öz ölümü var, hər ömrün qəbahətləri
Elə günahlar var, sonsuz, yoxdur nəhayətləri
Müxtəlif insanlar, müxtəlif düşüncələrlə
Elə dözülməz yaralar var ağır dərəcələrlə
Elə günlər yaşadım mən ki, nələr görmüşəm mən
Elə darvazalar var ki, arxasında çürümüşəm mən
Elə dost gördüm ki, dar günümdə kor, qulağı kar
Elə həkimlər gördüm, bu gün xəstəliyimə səbəbkar
Elə sevgilim olub ki, xəyanət ardınca xəyanət
İndi məhəbbətdə xəyanət nədənsə olub adət
Bu, hələ başlanğıc, hələ nə qədər fikirlər var
Və onlar bilmirdilər ki, başlıqsız sətirlər var
Başlıqsız sətirlər yazılanda hər dəfə
Sətirlərim ölümlə həyat arasında məsafə
Sətirlər müharibə, müharibə, müharibə!
Əvvəl birinci səhifə, bu da ikinci səhifə
Başlıqsız sətirlər yazılanda hər dəfə
Sətirlərim ölümlə həyat arasında məsafə
Sətirlər müharibə, müharibə, müharibə!
Əvvəl birinci səhifə, bu da ikinci səhifə
Elə rejim gördüm, despotizm, diktatura
Elə həyat yaşayırıq, başdan ayağa karikatura
Elə rüşvətxor gördüm, onu ancaq torpaq doydurar
Çarəsi olsa, Azərbaycan adını korrupsiya qoydurar
Elə şərait var, adlanır müharibə şəraiti
Amma əsgər hər ay itir və çoxalır fərarilik
Elə evlər var, yetimxana, divarlarında həsrət
Elə qızıl imarətlər var, hasarlarında lənət