Letras
E ballati cummari Maria
C'é cumpari Vicenzu chi sôna
E va' iti comu allu ventu
Cummari Maria e cummari Vicenzu!
Roccu, Roccu, Roccu
Non mi toccari ca non ti tocchu!
Cola, Cola, Cola
Comu a nu latru lu tempu vola!
'Mpari Peppi, 'mpari Peppi
Vi pigghiu la misura di li scarpi!
'Mpari Natu, 'mpari Natu
Attentu chi rumpiti 'u mattunatu
E ballati, cumpari Nateddhu
E vui, cumpari cu tambureddhu!
E vui ballati, cumpari Nateddhu
E vui faciti sempri accussÍ!
Jeu si ballu, non stancu mai
E mi scordu di li me' guai
'Gnurasì ca mi li scordu!
E ballati, e ballati
Fimmini, schetti e maritati
E si non ballati bônu
Non vi cantu e non vi sônu
E si non ballati pulitu
Cci lu dicu a lu vostru zitu
Sciú, sciú, sciú!
Quanti fimmini che ci su'!
- Cummari ndaviti palumbi?
- 'Gnurasí, ca nd' âiu tri!
- E cambiamo cu lu tarì?
- Lu tarì mi pari pocu!
- E cambiamu cu lu fôcu?
- E lu fôcu mi pari ardenti
- E cambiamu ccu' lu serpenti!
- Lu serpenti nd' âvi l'ali
- E cambiamu ccu lu canali?
- Lu canali curri l'acqua
- E cambiamu ccu' la vacca?
- E la vacca âvi li corna
- E cambiamu ccu' la donna?
- E la donna vaci a la missa
- Ciucculatèra e pettinissa!
E lu tira, lu tira lu setti?
E lu figghiu di mâstru Cuncettu
Tri e tri culonni
E li seggi di li donni
E li gonni su di sita
Mariantonia si marita
Si marita e si maritàu
Bella doti chi levàu
Tri cammisi e 'na padeddha
Bonasira Cicirindeddha!
Cicirindeddha si maritâu
Cicirindeddha mangia taralli
E taralli cu lu mêli
Bonasira Don Micheli!