Mumento d'onestà

E questa è 'a robba cchiù overo ca ammo maje scritto

Nun vennimmo suonne

'O popolo nuosto 'o facimmo sunnà senza ipocrisia

Ma 'a siente 'a poesia? Strunzo

Tu ca t'appruoprie 'e na cosa ca nun è 'a toja

Mo è na moda a dà 'ncuollo â criminalità organizzata

Senza rispetto pe chi soffre

I' penzo ca l'esser"o 'a sulo ringrazià

P"a notorietà che v'ha dato

E cu chesto i' nun me sto schieranno

Ma dimmello, che facisse si nun ce stesse?

Che dicisse dint'ê piezze?

Fusse capace 'e te sentì artista 'o stesso?

'A fama è na lunga strada

E chesta è 'a scorciatoia cchiù banale

'E categorie so' bone pe chi nun tene identità

T"o dico je ca songo chello ca nun sarai maje

E si 'o dissing è rivolto a me

Ma nun faje 'o nomme 'int'ô rispetto

Lieggete 'e teste comme 'a Bibbia, attentamente

E pruova a fa' coccosa 'e sorde

Mettenno coccosa 'e nuovo 'int'ê canzone

Na metafora, o nu singolone pe tutta 'a nazione

'A gente 'int'a nu vulcano scoppiato assaje primma 'e Saviano

Viaggiammo cu l'autostrada pavata

"'O prufessore" ha 'mparato coccosa 'a "Gomorra" chist'anno

Aggi"a colpì chi se fa 'e sorde 'ncopp'ô dialetto mio

Annientanno carriere, citanno quartiere

E ogni fan è nu figlio, e 'o messaggio è na fede

È necessario un momento di onestà

Voi fate i nomi del sistema e no chille d"o stato

Per 'sti quartieri siamo stelle sotto al soffitto

E questa è 'a robba cchiù overo ca ammo maje scritto

È necessario un momento di onestà

Voi fate i nomi del sistema e no chille d"o stato

Per 'sti quartieri siamo stelle sotto al soffitto

E questa è 'a robba cchiù overo ca ammo maje scritto

Eh, 'o sfizio mio fosse d"e vedè 'nfaccia

Quanno senteno 'e parole che sto pe dicere

Se penzavano ca i Co'Sang era n'atu gruppo 'e chilli llà

Ca essero sfruttato 'stu fenomeno, 'stu, 'stu, 'stu chiammamolo fenomeno

Ca è succiesso, ca all'inizio era pure interessante

Ma mo è diventato pe me nu fenomeno 'e baraccone

Se penzavano ca era uno 'e chilli gruppe

Ca s'esse magnato 'e briciole 'e coccoduno ato

Invece no, nuje ammo sempe tenuto 'e

E concetti nuostre, 'e concerte nuostre e 'a genta nostra

E ammo fatto chesto dall'inizio, assaje primma d"o libbro e assja primma d"o film

Pe me 'sti gruppe ca vulessero fa l'impegnate

Pe mme so sulo gente ca "alla fottuta ricerca di successo"

A tutti 'e coste e ca 'o fanno sulamente pe fa' cocche concerto 'e cchiù

P'ascì 'int'â televisione, pe se da nu poco d'importanza a finale

Pecché personalmente penzo ca si tu si capace 'e scrivere canzone overo

Canzone che toccano 'a gente

Tu nun tiene bisogno 'e te mettere areto a coccheduno ato

É furza' afforza 'e cose, chesta è 'a verità, ca loro si tu te stai

'Stu fenomeno ncopp'â criminalità

Ncopp"a tutto chello ca s'è criato nun esistesse loro penzo ca nun putessero fa 'a musica

Po' ce sta n'ata cosa che voglio dicere

Pecché primma aggi"a chiammato 'stu fenomeno "fenomeno 'e baraccone"

'A cosa strana è che je nun aggio maje capito e vulesse ca 'a gente ce penzasse

Cioè, pecché 'int"a colonna sonora d"o film

Ca è addivintata 'o regalo 'e Natale 'e l'anne passate

Ca dicimmo essa a denuncià, bo?

Essa dicere certi cose essa fa capì all'Italia che succede ca abbascio

Pecché stanno sulo neomelodici? 23 tracce

Un d"e Massive Attack ca nun c'azzeccano niente cu Napule e ati 22 neomelodici

Vulesse domandà 'stu fatto, ma pecché?

Pecché è tutta na denuncia e po' ce sta a collaborazione?

Allora è proprio o'vero ca 'e sorde fanno sta buono a tutti quante?

E po n'ata cosa, pecché hanno girato nu mese sano 'int"e Vele?

Cioè comme hanno fatto a gira' 'int"e Vele nu mese sano?

Cioè, ve l'ate maje chiesto chesto? A me me vene a ridere

E po saccio pure ati cose ca nun pozzo dicere

Pecché po a finale trasessemo 'int"o personale

E je nun voglio offennere a niscuno però je ce tengo a coerenza

Pecché je so' nu napulitano coerente

E chistu piezzo è sulo pe spiegà buono 'a situazione 'a nostra e 'a posizione 'a nostra

Pecché nuje simmo state sempe sincere ca gente ca ce sente

Co'Sang, ce vulesse nu mumento d'onestà

Giudicateve vuje invece 'e giudicà all'ate

Frà