សុំស្នេហ៍ព្រះពាយផាត់

ឱ! អូនព្រះពាយផាត់បងអើយ!

យប់យន់ហើយ ដែលបងមករង់ចាំស្រី

សូមអាណិត ឱ្យបងបានស្តាប់សម្តី

ឬប្រណី ឱ្យរៀមបានយល់ភក្ត្រា

ស្អប់ណាស់ នរណាបង្ខំចិត្តអ្នក

ឱ្យមកស្ម័គ្រ រង់ចាំស្រីពីកាលណា

ចេញឱ្យឆាប់ ខ្ញុំមិនត្រូវការចចារ

នែ! ព្រានស្នេហា ខ្ញុំមិនត្រូវការបងទេ

អូនអើយ! មិនគួរអូនបែរជាខឹង

ធ្វើមិនដឹង ឱ្យទ្រូងរៀមឈឺគ្រាំគ្រា

រាល់រាត្រី បងផ្តាំតាមដួងចន្ទ្រា

ថាចិន្តា បងនឹកអូនគ្មានពេលល្ហែ

បើបងស្រលាញ់រូបអូនពិត

ម្តេចមិនគិត ចូលស្តីដល់ទៅឪម៉ែ?

ព្រះពាយផាត់អើយ! បងមិនភូតភរអូនទេ

សូមឱ្យតែ អូនថាស្នេហ៍បងមួយម៉ាត់