سليمان

ربي علمني مع التوبة والناس

بدها تربطني مع ذنوبي بحبال

بدها تلهيني عن عيونه وسواس

اختبار معليش هيدا جزء من الجمال

قلبي صفيحة بين ايدين الحداد

حتى الأشعة تنكشف بالانعكاس

لهيك طريقي وعر ودربي رجاج

محطاتي عدة واوزاني باختلاف

لا بكره نفسي ولا بحب حالي

بين الاضداد متل جب عالي

راكب خيال متل خيل خالي

خير المكان هيدا خل غالي

كان مطلوبي من خيالي اني املك اللغة

قام غزيت بالعاديات بلاد بلوني اصبغها

جمل مكتظة بالعباد مدن مليانة وفارغة

بس بدون خيالها الناس عقلها لقمة سائغة

فرجعت فوق سراجي سير طالب الفلا

قالي تروك الامل خاوي وروح خاوي هالفرس

سابقت معها الريح رجعتني عالصلاة

بشمعدان الانكسار شمع النصر ينغرس

بفضي الهاجس بالخشوع تملي منه

جسمي بوضعية الركوع بيغني عنه

حتى تطربله الدموع وتقله انه

عمري بين ايديك

كأنها جديدة هالايات بقلبي خطيت

معاني تغير الابعاد كاني مطيت

بكاء الامتلاء مش حزن لاني حطيت

عمري بين ايديك

دمعي ريح تدفش شراع بأمر الله لا يستريح

الف ميل بمشي فيه صعب عكس التستري

ولما تبطل تجري فيه بدعي ربي بيستجيب

وبيطلعني برا نفسي وظلامها ولو بعدها حين

أخ لسا في فخ

شغلني حب الخير عن فعل شرط الصح

عن ذكر إسم الحق

وتبلد الخيال

والخيل ورا الحجاب

والنظر صوته انبح

بدك تعرف لتعرف؟ تلبس لبس قارون

ايه ارجع عبطن النون عبطن المعتم ومن دون

نور الكاف على المحفوظ

بيظل الطين حمأ مسنون

بيموت القلب يبس عرجون

ودموعي تعمل من سجادة صلاة فلوكة تبحر

علو الدين فوق المكان سجادة كوبتر

والآية تزهر ياسمين يقين رحيقه مسكر

بستان باوضة القعدة كنت بحقوقه مجحف

ناطر من ربي نظرة وهون الشعب نصه مخبر

كله بده يصنف اصولي ولا مخبر

صوفي ولا سلفي معطل او مجسم

تنابذ كل البلا في إمامي الملثم

خيولي خيالي والرسن عقلاني آلة

والنفس رحالة جالت والهمم مشدودة مالت

حسب شو حصاني آكل بنتبه شو بطعمي بالي