Letras
بآخر الشارع خلف القناديل
في عيلة من تيابها عحبل الغسيل
من بياع الكاز ومن عبده الدكنجي
بتعرف شو مهمومة، شو ليلا طويل
بآخر الشارع خلف القناديل
في عيلة من تيابها عحبل الغسيل
من بياع الكاز ومن عبده الدكنجي
بتعرف شو مهمومة، شو ليلا طويل
ببيتها مساند عتقت من زمان
نملية ومقاعد في عليها قمصان
عيلة بيتها قاعد على بابو النسيان
ومحطوطة جرايد بشقوق الحيطان
وليل طويل وما ضووا قنديل
وحده بيبقى مطفي من بين القناديل
بآخر الشارع خلف القناديل
في عيلة من تيابها عحبل الغسيل
من بياع الكاز ومن عبده الدكنجي
بتعرف شو مهمومة، شو ليلا طويل
أيامن وحيدة، صوتن عم بقول
بوجوهم قصيدة كلاما منقول
من الريح العنيدة وصفصافة ايلول
والشمس البعيدة إللي غابت على طول
زيتها قليل يا جوع القناديل
بيخلصوا وما بيخلص هالليل الطويل
بآخر الشارع خلف القناديل
في عيلة من تيابها عحبل الغسيل
من بياع الكاز ومن عبده الدكنجي
بتعرف شو مهمومة، شو ليلا طويل