Nadavathil Thurannilla | Kambhoji Official Video Song | Vineeth | Lakshmi gopalaswamy

നടവാതിൽ തുറന്നില്ല

പടിവാതിൽ കടന്നൊരാൾ അണഞ്ഞില്ല

നറുനിലാവുദിച്ചിട്ടും

പടിവാതിൽ കടന്നൊരാൾ അണഞ്ഞില്ല

വരുമെന്നോ വരില്ലെന്നോ

വരുവാൻ വൈകിടുമിന്നൊ

പറയാതെ പോയതാം പ്രണയമാണേറെയെന്നോ

പാരിൽ മാനസതാരിൽ

നറുനിലാവുദിച്ചിട്ടും

പടിവാതിൽ കടന്നൊരാൾ അണഞ്ഞില്ല

പ്രിയമെന്നു നിനച്ചു ഞാൻ

പ്രിയമെന്നു നിനച്ചു ഞാനൊരുക്കിവച്ചവയിലിൻ

പ്രിയതമാ നിനക്കേതും കുതുകമില്ലേ?

ചന്ദനപുടവയോ സിന്ദൂര തിലകമോ

ശൃംഗാരരസമോലും കാവ്യാലാപമോ

നറുനിലാവുദിച്ചിട്ടും

പടിവാതിൽ കടന്നൊരാൾ അണഞ്ഞില്ല

കതിരെന്നു കരുതി ഞാൻ കരുതിവെച്ചവ വെറും

പതിരെന്നോ കാറ്റിൽ പറന്നുപോമോ

വണ്ടുകൾ തേടിയെത്തും ചെമ്പവിഴങ്ങൾ കോർത്ത

പൊൽ ചിലങ്കകളുടെ ഗാനാലാപമോ

നറുനിലാവുദിച്ചിട്ടും

പടിവാതിൽ കടന്നൊരാൾ അണഞ്ഞില്ല

വരുമെന്നോ വരില്ലന്നോ

വരുവാൻ വൈകിടുമിന്നൊ

പറയാതെ പോയതാം പ്രണയമാണേറെയെന്നോ

പാരിൽ മാനസതാരിൽ

നടവാതിൽ തുറന്നില്ല

ഒരാൾ അണഞ്ഞില്ല