Mandharapoove

മന്ദാരപ്പൂവേ മന്ദാരപ്പൂവേ

കണ്ണാടിക്കൈവര നോക്കിയതാരോ

വെള്ളാരം കാതിൽ നിന്നോമൽ കാര്യം

കിന്നാരം പോലിനി ചൊല്ലിയതാരോ

മഞ്ചാടിത്തെന്നലേറി മെല്ലെ

ചെമ്മാനം കാണാനോ

ചങ്ങാതിപ്രാവ്‌ കാത്തു നിന്നോ

അമ്മാനമാടാൻ നേരമായോ

ഉള്ളിനുള്ളിൽ മഞ്ഞു വീഴും നല്ലകാലം കാണാൻ

പുള്ളിമൈനേ കണ്ണിടാതെ വാ

മുന്നിലാകെ മിന്നിമായും വർണ്ണമേഴും വാങ്ങാൻ

മേലെ നിന്നും മാരിവില്ലേ വാ

കൺ തൊടാനരികിൽ ഒഴുകി വരുമീ കിനാമഴയോ

നിൻ കുറുമ്പുകളെൻ

മനസ്സിലൊരു

വെൺനിലാക്കുളിരോ

മന്ദാരപ്പൂവേ മന്ദാരപ്പൂവേ

കണ്ണാടിക്കൈവര നോക്കിയതാരോ

വെള്ളാരം കാതിൽ നിന്നോമൽ കാര്യം

കിന്നാരം പോലിനി ചൊല്ലിയതാരോ

(?)

പൂവള്ളിക്കാവിൽ തേവാരം നേരും

ഏതേതോ നാട്ടിലെ തേൻകിളിയേ

മാലേയക്കുന്നിൽ വെയിലാറും നേരം

ഊരാകെ കാണുവാൻ ഈ വഴി വാ

കനിപ്പാടം വലം വെയ്ക്കാം

കാണാച്ചിറകുരുമ്മാം

ഇടയ്ക്കെങ്ങോ മഴയ്‌ക്കൊപ്പം

മനസ്സും നനഞ്ഞിറങ്ങാം

അന്തിവാനച്ചോലയിൽ

മെയ് മുങ്ങി നീരാടാം

തെല്ലുനേരം തമ്മിലൊന്നായ്‌ കുഞ്ഞുകൂടിൽ മിഴിമയങ്ങാം

കൺ തൊടാനരികിൽ ഒഴുകി വരുമീ കിനാമഴയോ

നിൻ കുറുമ്പുകളെൻ

മനസ്സിലൊരു

വെൺനിലാക്കുളിരോ

ഉള്ളിനുള്ളിൽ മഞ്ഞു വീഴും നല്ലകാലം കാണാൻ

പുള്ളിമൈനേ കണ്ണിടാതെ വാ

മുന്നിലാകെ മിന്നിമായും വർണ്ണമേഴും വാങ്ങാൻ

മേലെ നിന്നും മാരിവില്ലേ വാ