Letras
D Motorhuube wölbt sich
Es hueschted di dopplete Böde
Vo de Zollbehörde de Urs
Am Tag vo de offne Türe
S Handschuehfach morchlet
Es schwitzed d Hypokrite
Vo de Zollbehörde de Urs
Am Tag vo de offne Türe
Es klimperet i de Pneu
Und s Bläch fangt a winsle
De Urs mit schpitzige Chnü
Zwüsched Wüeltisch und Hochpriisinsle
D Gränze gönd i d Tüüfi
Er nimmt di mit ufe Tour
Bis i d Mitti vo de Erde
Vo de Zollbehörde de Urs
Am Tag vo de offne Türe
Seiltänzer zwüschet Wälte
Vo de Zollbehörde de Urs
Schpinnt sis Netz übers Gländer
En Traumfänger im Turbo
Und scho schreit de liisligscht Schimmer
Vo de Zollbehörde de Urs
Lueg, etz winkt er mit eim Finger
En Schatte vomne Vogel
Chläbet a de Schiibe
Dini Gränze gönd i d Tüüfi
Und es git nur ei Devise
Gläbti Wert und Gfühl
Zwüschet Ramse, Konschtanz, Singe
Schlucks es Läbe lang abe'n oder
Trägs uf de Zunge
Schlucks es Läbe lang abe'n oder
Trägs uf de Zunge
Es klimperet i de Pneu
Und s Bläch fangt a winsle
De Urs mit schpitzige Chnü
Zwüsched Wüeltisch und Hochpriisinsle
Er schtiigt dur dini Auge
Und nimmt di mit ufe Tour
Bis i d Mitti vo de Erde
Vo de Zollbehörde de Urs
Gläbti Wert und Gfühl
Zwüschet Dihei und Überlinge
Schlucks es Läbe lang abe'n oder
Trägs uf de Zunge
Schlucks es Läbe lang abe'n oder
Trägs uf de Zunge
Gränze känned kei Gränze
Nur eine zwüschet ois
Wienen Tarzan a de Helix
Vo de Zollbehörde de Urs
(Isch guet, isch guet)
Isch guet, ihr chönd fahre
(Isch guet, isch guet)
Isch guet, ihr chönd fahre
(Isch guet, isch guet)
Isch guet, ihr chönd fahre
(Isch guet, isch guet)
Ihr chönd wiiterfahre