Letras
لو الواحد على طول مبسوط هيعمل حاجة ليه تخليه يطلع قدام؟
وآه بقى confirming الحوار ده، آه خلاص أدام إنتَ عملت اللي عليك والموضوع ما نفعشي فخلاص يعني
اللي عايز يعمل حاجة يعملها وكل واحد بقى إيه يشوف طريقه، فاهم؟
آه، عد كم مرة لبست في حيطة وقُلت رضا
بوست إيدك وش وضهر وبتحمد ربنا
لبست في كم واحد بس ما طلعوش قد الثقة
حسن حظهم ما جاش غير من سوء حظنا
وبنسأل نفسنا ليه بس؟ إيه ده؟
بتخاف على نفسك من المغامرة، يا أسطى جتك خيبة
زحمة جوة خيمة ولا رجعة بعد غيبة؟
زي دي الوقت كنا نـ spot بس دي الوقت بيتك، بيتك
هتصدق مين وتكذب مين؟
أنا حاسس إني نزلت الفجر لقيت كل الإكشاك قافلين
المطعم اللي بحبه قافل، فيش داعي نتغر
مافيش غير البنزينة فاتحة، هنطلب وجبة المُضطر
آه، دوس start
بحمد ربنا، فايق ما بضربش
مش مضطر إني أكذب ومش مضطر ما أهزَّرش
وأنا معاك على الخط طول الوقت، ما تقلقش
وجنبك وزي ما إنتَ عارف إنتَ لو محتاج أي حاجة في أي وقت أنا هنا
وموجود وdon't hesitate إن إنتَ ترفع عليّ سماعة التليفون تقول لي إن إنتَ في حوار
ها، حبيبي، يا رب أشوفك على خير إن شاء الله