Letras
اوكي الليلة ما برد على التلفون
في جمل براسي عازمتني تألّفها
اضدادي بتضج فعم آلفن
راح الخوف تسلل شي تاني محله
شي ما بيترجم جرح محلي
يؤكل عالشاشة جرح محلّى
وصلت رسالة من عتمة زنزانة مصرية
زنزانة علاء اللي بيحلم موسيقى
وعسكر السيسي بيستثمر بالهيب هوب والباستا
ثقافة تدجين الثقافة وتخدير الطبقات المتوسطة
بيسكت الخوف ومفهوم انه الموت مانه كول
انا فيني ما خاف فطبيعي إني قول
حفلاتن شو حلوة وملبرلة
بس ضاقت سجونن بالرابر الاقوى بالمملكة
والراب كله داير عالمنيكة
ما عم عظم بمسلكي
في اشيا عملناها تنعيش ماني كتير فيها بفتخر
بس بالزركة ما بننتحر
لا ما بجاهر بالمعصية وما في مرمى عالتهلكة
كان عندي راحة بال راحت
بتسوى كل شي في أموال راحت
كان عندي راحة بال راحت
بتسوى كل شي في اموال راحت
اذا حدا شافها يتصل عالحارك
يمكن بعدها بالحارة خيفانة تغادر
واذا استعارها يردها بشارك وارد
كان عندي راحة بال ضمير الغائب
لا عواطف level بريد اداري بارد
فقع شلش الوجع غرق كل البر
قام تساوت المراكب
كل الجمل القوافي كل السكك قوافل
كل الاحداث مشاهد كل الازمان مراحل
كنت هونيك مطرح ما بيسكتوا الفطاحل
بس اخترت غادر
بدي احكي احكي احكي تاطعج لغتنا بإيد
نحن اللي براسنا الصلة غامضة بين كلمة ومعناتها
لهيك بنكتب القصيد
ربط اشلاء باسم جديد
ما بيخلق فن غير القلق بالغريب
جاموس عحيط الكهف
رحلة مُهدَّد تيصير التهديد
روح الجسم الجماعي بالتواصل والتخطيط
ما الفن اثبات انه الذات بتعيش عالحدود
بين البراتي والجوات لقيت وجهي مرسوم
سموه تواصل والمتواصل هو عذاته مقسوم
لهيك بتسرطن الخلية لما بطل بدها تكون
جزء من النسيج ايه معروف المصير ايه
بيموت الكلام بين بعضها للاجزاء
وكيف بيمكن الشفاء مع ثقافة التبشير
بديانة التجزيء
بتتحول شقفنا بترولهم الثمين
وهيك بيهلك الجميع
مين بريء؟