Heit stelln ma an Maibaum auf! (Lustiges bayerisches Kinderlied zum 1. Mai)

Is des a Glück, heit stimmt's genau

Agrad heit is da Himmel ganz blau

Heit haun si die Kloana wia die Großn

Ins Dirndl und in die Lederhosn

Die Lehrerin kimmt aa mi'm Dirndl o

Obwohl's net amoi richtig Boarisch ko

Da Hias trogt an Gamsbart zum Trachtngwand

So groß, dass ma damit glei zamkehrn kannt

Juhui, eiei! Heit is da erste Mai

Heit geht's los, heit geht's auf, heit samma so guad drauf

Heit stelln ma an Maibaum auf

Heit geht's los, heit geht's auf, heit samma so guad drauf

Musi, spui auf!

Da Maibaum, ja mei, des is scho a Lackl

Doch unsere Burschn san a scheene Brackl

De stemman des Hoiz, da staunan die Madln

Grod über'n Sepp mit die Spatzn-Wadln

Auf gehts, Buam, schiabt's a bisserl no!

An Ruck, jawoi! Jetz steht er do

Wer rennt glei als Erste zum Würstlstand?

D'Burgermoasterin im Dirndlgwand

Juhui, eiei! Heit is da erste Mai

Heit geht's los, heit geht's auf, heit samma so guad drauf

Heit stelln ma an Maibaum auf

Heit geht's los, heit geht's auf, heit samma so guad drauf

Musi, spui auf!

Nach'm drittn Gang zum Kuachastand

Schaut d'Huaberin als obs nimma schnaufa kannt

Die Schützen, die schiaßn auf oamal so laut

Dass d'Oma fast von da Bierbank haut

Da Pfarrer trinkt heit a ganze Maß

Heit is er lustig, heit hot er Spaß

Am Tisch obn stehn die Goaßl-Schnalzer

Und schnalzen uns jetz glei an Maibaum-Woizer

Heit geht's los, heit geht's auf, heit samma so guad drauf

Musi, spui auf!