Letras
I probiere iizstige, gly merki, i bi eifach nid ready
Dr Beat het chum aagfange u i merke, mitem Dänke isch scho wieder gly fertig
Wüu du ghörsches nid, lug, du versteisch die Verses nid
Het dä Typ iz alles scho wieder vergässe, als wär sy Chopf eigentlech es Löchersieb
Du weisch, dass das sehr gschisse u ja zimlech drnäbe isch
Da gheit alles düre, das isch so wiene zimlech schlächte Rägeschirm
U i merke, das isch würklech schad, lug, da checki ine i kere Zile und i brücht irgendöpis, wo chly besser abdichtet. Wie wärs mit ere Pellerine?
Aber easy, i chume itze mitem krasse Gschütz
U hoffe, i ha Parts drby u paar Wörter, wo öpis gäge ds Wasser nützt
Wüu i merke, los mal mi Flow, lug, wie dä tropft, eh lug, das isch gar ke Räge
Aber i weiss, dass mir üs hüt am Aabe sicher ufem Festivalgländ begägne
Und i merke, das isch easy, o we dr Gang när nüm grad isch
O wes würk chunnt cho gwittere u dr ganz Gurte es Schwümmbad isch
Scheissegal, wüu du weisch, es wird so geil
Hüt am Abe gö mir fix ersch morn hei, okay
Wüu lug, du weisch ganz genau, was dir het gfählt
Hüt isch eh alles cashless, was isch eigentlech Gäld?
Du bruchsch ke Rägeschutz das Jahr, das isch klar
Wüu du nimmsch eifach die huere Blache vom Zält
Lug, da ghörsch die Wörter u da gö sie, lug mal, dä zerstört iz grad wieder mau dä Verse, das isch unerhört gsy, lug mal, i bi itze grad ir Hööchi, du kennsch ds Level nid, ir Nööchi, nei niemer angers, lug, du ghörsch mi. Du fragsch di, gopfertami wie unverdammt sick isch ize dä Verse gsy?
Abgseh vom chlyne Verhaspler, lug mal, wie ig itz hie ineraase. Frage mi, ob ig mi dene no cha stelle, all dene Milliarde Frage. Nei, wahrschinlech nid, wüu du weisch, dass dr Lo i jedem Take flowt. Als wär vierzg Grad im Schatte, lug, du gsehsch wie är heisslouft
Und i merke, das isch easy, lug iz bini wieder am renne, eh. Gseh die Rapper düe sich reflexartig all grad sunnecrèmele. Wüu sie wüsse, das isch easy. Alles angere müesse sie nid wüsse. Wüu sie wüsse, vor däm hotte Flow müesse sie sich sehr wahrschinlech besser schütze
Aber es geit o a öich. I merke, mit däm isch nid z gspasse. Gurtefestival, itz mal ganz im Ärnst: Trinket gnue Wasser. Crèmet nech ii. Du weisch iz, wie fresh dass das isch, checke das nid. Lug, du weisch, dass das Festival scho sehr gly fertig wird sy