Letras
Pod Kulowom we holi
najrjeńši wrjós tam mam.
Mje wutroba boli pak,
zo mam šćipać jón sam.
Hdy by tam ze mnu šła,
za wrjosom hladała
to rjeńši by snadź kćěł,
ja bych će lubo měł.
Pod Kulowom we holi
kće strowa kimjelčka.
Mje wutroba boli pak,
zo niesy ze mnu šła!
Hdy by tam ze mnu šła,
za wrjosom hladała
to rjeńši by snadź kćěł,
ja bych će lubo měł.
Pod Kulowom we holi
stej' wrjós zas wysoko.
Mje wutroba boli pak,
zo maš nětk druheho.
Sym wrjós wšón zešćipał,
zo njeby powědał,
kak lubo sym će měł,
hdyž w holi wrjós je kćěł.