Letras
Hory módre, ja was znaju,
ja sym zaso w serbskim kraju,
hdźež mi kwětki rjeńšo kćěja,
z keluškow so mi směja.
Młódnozelena ty strona,
wokřěwjace serbske hona,
wy sće moja domowina,
radosć wutrobina!
Ow, ja słyšu hižo znowa
slěbroklinčne serbske słowa;
kajke słódke zaklinčenje
kóžde postrowjenje!
Kotrychž jenak w mysli nošu,
we duchu was wšitkich košu,
serbscy bratřa lubowani,
z duše powitani!