Letras
Aici fa trop de temps s'en sovenem pas pus
Qu'an pilhat nostras terras la costuma e l'us
Cremat nostras mascas e l'enfant dessenhat
Cresiam a la luna al present conjugada
Los mots se son calats un per un sàviament
E son sens es partit crompat pacientament
Resta tant pauc d'espaci per bramar la colera
Una falha somiant de las granas de guerra
Fan pas cas de nacions d'aquela puta d'estat
Per viure al dessus de las leis dal mercat
Pas pus de poesia es la crompa e la corsa
L'ora es a las armas per arroïnar la Borsa
Avem de semenças vielhas de dos mila ans
De ribieras de mars de forests e d'enfants
Polsa vent pluèja d'aram indigèna fat èrba d'agram vius
Mòrts alucaraàn fuòcs fèrs e devorant
De cresenças reiralas contra los arcangels
La luna e las estelas testimonis dal cel
Testimonis qu'aici comença vostra fin
Vostra malediccion es lo sol camin
Nos mataretz segur e nostres cosses en preson
Alucaran de fuocs al dintre de las rasons
L'amor es pel fusilh que salva una semença
L'amor es per la man que para l'asirança
Es ora e cantar ne servis pas pus qu'a
Desrevelhar los morts d'ier e de deman
Es ora e cantar non te servira pas
Se ton cos e ton arma coardas fan pas fàcia