Schneemobau-Zwiefacher (Lustiges Kinderlied vom Schneemannbauen)

Heit, heit, heit hot's gschneit bei der Nocht - bei der Nocht

Gscheit, gscheit, gscheit hot's heit gschneit

Und, und heit hot da Papa Zeit - Papa Zeit

Weil, weil Samstog is heit

Oiso, Papa vom Bett raushaun - Bett raushaun

Auf geht's zum Schneemobaun

Papa, Papa, heit is' soweit - is' soweit

Mei, mei, hot si der gfreit

Weil heit, heit, bau ma an Schneemo - Schneemo

Und? Wos? Und a Schneefrau

Weil? Wos? Schnee hamma eh no - eh no

Und? Dann? Passt's ja genau

Und dann kommt aa da Martin no - Martin no

Traudi, Michi und Flo

Hauruck, schiab ma de Kugl o - Kugl o

Jetzt is da Papa dro

Papa, Papa, der schnauft a so - schnauft a so

Er is sonst im Büro

Oans, zwoa, drei Kugln hot er scho - hot er scho

Jetzt do, schauts eich des o

Weil heit, heit, bau ma an Schneemo - Schneemo

Und? Wos? Und a Schneefrau

Weil? Wos? Schnee hamma eh no - eh no

Und? Dann? Passt's ja genau

Glei, glei, glei hammas baut de zwoa - baut de zwoa

Für'n Mund brauch ma no Stoa

Koin, Koin, Kohlen san für de Augn - für de Augn

So, so, jetzt kennan's schaun

Für de Nosn a gelbe Ruam - gelbe Ruam

Holn, holn, holn glei mir Buam

Topf? Kopf? Suppentopf steht eahm guat - steht eahm guat

Sie, sie, sie kriagt an Huat

Weil, heit, heit hamma an Schneemo baut - Schneemo baut

Und? Wos? Und a Schneefrau

Und? De, de werdn jetzt glei getraut - glei getraut

So! Jetzt! Sagts beide: "Ja!"