Letras
കാലിലെ ചിറകുമായ് മിന്നലായ് പടരുവാൻ
കുതിക്കൂ മനസ്സേ ഇന്നെൻ വേഗമായ്
രാപ്പകൽ തുടരവേ പോർക്കളം ഉണരവേ
നിറക്കാം സിരയിൽ ഏറും വീര്യമേ
ചെങ്കനൽ മൂടും ചാരത്തിൽ
കാറ്റിതാ തൊട്ടേ പോകുമ്പോൾ
കെട്ടടങ്ങാതെ നീറി കത്തുന്നെ താനേ
ചലനമേ ജ്വലനമേ
ഇരുൾ മാറും മാറ്റം ചുറ്റും കാണുകയായ്
ചലനമേ ചരിതമേ
ഇടി നാദം വിണ്ണിൽ പൊട്ടി ചിതറുകയായ്
വീണീടും നെഞ്ചിൻ സ്വപ്നങ്ങൾ
എല്ലാം കടം കൊള്ളാൻ ആരിന്നരികെ
വാടാതെ വർണം മായാതെ
പുത്തൻ കരുത്തോടെ പൊങ്ങി പറക്കാൻ
ശരവേഗത്തിൽ പായുന്നെ തെല്ലും ഇടറാതെ
മുറിവേറ്റുള്ളം പൊള്ളും പോരാട്ടത്തിൽ
വിയർപ്പിൻ ചൂടേറ്റു മണ്ണിൽ താരങ്ങൾ
മിന്നീടും നാളെ നമുക്കാകവേ
ചലനമേ ജ്വലനമേ
ഇരുൾ മാറും മാറ്റം ചുറ്റും കാണുകയായ്
ചലനമേ ചരിതമേ
ഇടി നാദം വിണ്ണിൽ പൊട്ടി ചിതറുകയായ്
കാലിലെ ചിറകുമായ് മിന്നലായ് പടരുവാൻ
കുതിക്കൂ മനസ്സേ ഇന്നെൻ വേഗമായ്
രാപ്പകൽ തുടരവേ പോർക്കളം ഉണരവേ
നിറക്കാം സിരയിൽ ഏറും വീര്യമേ
ചെങ്കനൽ മൂടും ചാരത്തിൽ
കാറ്റിതാ തൊട്ടേ പോകുമ്പോൾ
കെട്ടടങ്ങാതെ നീറി കത്തുന്നെ താനേ
ചലനമേ ജ്വലനമേ
ഇരുൾ മാറും മാറ്റം ചുറ്റും കാണുകയായ്
ചലനമേ ചരിതമേ
ഇടി നാദം വിണ്ണിൽ പൊട്ടി ചിതറുകയായ്