Letras
Sort dann kod nwar
Kod nwar lésklavaz
Rant dann kod blan
Kod pou bann sovaz
Travayér angazé
Èk nout pédigré la raz
Lidantité i trap i kraz
Kok Zava ti poul dé Sine
Moka Malgas koulèv Viétnam
Tang Béijing kabri Madras
Léta sivil la rod pou silfat nout ras
Wi mé li la pa giny port lo kou d'gras
Kapitinn la dévinn
Mèt anou an karantinn
Ral anou dann basin n'lo d'zavèl
Pou délav nout bwa d'ébinn
Té zis bézwin nout bra mé nout fanal zot la rod pou tinn
La pa konmsa wa tinn nout ras kapitinn
Fransé ou riyin
Kolonièl Payen
Nout non té tro long
Nout non té pa krétyin
Bafwé la dinité
Téroris lidantié
Dopi lontan léta i rod pou touf nout kalité
Sort dann lo kod nwar
Pou rant dan lo kod blan
Lidantité in trou nwar
Oté sa lé troublan
I rod désanz nout koulér
Pou sèy sanz batman nout kér
Réyoné
Sort dann kod nwar
Kod nwar la soumision
Rant dann kod blan
Kod lasimilasion
I fo ti mèt ton mas blan
I fo ti dégiz
Zorèy i koné pa la kriz
Dopi lontan nou koné
Nou na in sèl déstiné
Ménoté sou la lwa banna
Viv bondié bwana
Sé zot nout fitir
Dénig out kiltir
Zénosid kiltirèl Pèp martir
Lékol èk la rolizion
La fé ador anou lo mèt
Avèk laliénasion
Lo pèp i aksèp soumèt
Anou zotoktone i fo nou kopié lo blan
I fo nou kontinié fé sanblan
Gèt la Rénion zordi
Paradi a krédi
Bonér lé proporsioné
Lér lé kondisioné
Na pi la tér pou nout bann
Péi la lé a vann
Lo pèp i konsom é li la pa anvi d'konprann
Sort dann lo kod nwar