Letras
"Hólče njezadwěluj!",
tak moja wowka radźeše.
"Wšak žiwy a strowy sy.
Maš rjany dom, nadosć k jědźi a směš zeznać cyły swět."
Holca, njepřirunuj
so z pozdaću perfektnymi!
Wšak zmužita a sylna sy.
Hdyž sej zwěriš, do so wěriš, móžeš změnić cyły swět.
Wotewri woči! Praj, njespóznawaš to,
kak derje so ći poprawom tu dźo?
Druhdźe wójny wjedu, dźěći tradaja
a ty so mjerzaš, hdyž so pakćik zapozdźa
a susodej so přepoda.
Hdy budźeš spokojniša?
Maći njeporokuj,
hdyž so studij njeradźi!
Wšak puć je husto kwaklojty.
Wjesel so, zo maš dźěćo, kiž twój wobohaća swět.
Nano so njehóršuj,
zo tehdy wšitko lěpje bě!
Ty sam swój wobmjezuješ wid.
Čas so minje, wšo so zminje, přec so dale wjerći swět.
Wotewri woči! Praj, njespóznawaš to,
kak derje so ći poprawom tu dźo?
Druhdźe namóc knježi, lud so potłóči
a ty so mjerzaš, hdyž so ampla čerwjeni
a před tobu so zaborzdźi.
Hdy budźeš spokojniši?