Letras
Es isch 35 Grad, Züri isch es Tränemeer
Lette Chreis 4, Pulver gege s'Gähne neh
7ni Morge Bass pumpt, Körper seit Achtung
Aber was wetsch du mir sege bro di Nacht jung
Und de Tag alt, ich bi Rapper bebe doch du bruchsch en Awalt
Ke long-distance shit, ke Drama, ke Sagas
Doch i mine Adre brennt es Füür heiss wie Lava
Herz ide Iisziit, Auge rot weg Waldbränd
De eini song vo Gotye seit ich heg dich mal kennt
Hend eus so fest agstrengt, s'het denn glich nüt usgmacht
De Wecker aagstellt und en denn uf Snooze lah ah
Sit em Cypher 25 im Fiebertraum
24 Falestin, Trauma i die lieder ghaut
Nur welle Limmet triibe, denkt es wür für immer bliibe
Sunntignamitag mitme Kater am Lieder schriibe
Dumpfi Seele taumled scho
Wie simmer bloss da ane cho
Halt d'Luft a und frög mi na
Wie's ab jetzt söll wiiter gah
S'gwittered im Herz
Aber dusse alles still
Ha mängisch Angst vor mir
Und denn weissi nüme wasi will
Es isch immer na viel z'heiss
Bülach brucht es Summergwitter
Sunntignamitag an Rhii go umelige
Die Zunge bitter, bruch es Wunder unbestritte
Smaragd gschribe aber Rauch füllt mini Lunge wieder
Wet a Gott glaube aber stelle zu viel Frage
Wet mit Muath in Eizariya planlos umefahre
Hoste Friends vo dune, als ob's dete wie da isch
Doch ihres Lebe staht für Ethnic Cleansing exemplarisch
De Engel vode Gschicht luegt uf d'Trümmer zrugg
Ich wünsche mir es Lebe woni nüt meh wünsche muss
Wach i fremde Better uf und ich ha Heiweh nach der
Und mengisch frögi mich: gits na eini nach der?
Hangeblibe wie Hip Hop Heads uf de Golden Era
Und ha chli Angst e so z'altere wie Bam Margera
Ha ke CTE glaub, han efach zu viel Weed graucht
Vergesse Luft zhole und bin denn efach driitraucht
Dumpfi Seele taumled scho
Wie simmer bloss da ane cho
Halt d'Luft a und frög mi na
Wie's ab jetzt söll wiiter gah
S'gwittered im Herz
Aber dusse alles still
Ha mängisch Angst vor mir
Und denn weissi nüme wasi will
Dumpfi Seele taumled scho
Wie simmer bloss da ane cho
Halt d'Luft a und frög mi na
Wie's ab jetzt söll wiiter gah
D'Auge na chli zuelah
D'Welt veruss in Rueh lah
Doch am Endi seg was bliibt
Nur en Tropfe ide Ziit