Letras
Hasnu budźak a so wobroću.
Abo stanu spěšnje, prjedy hač so zapozdźu?
Pojědu ja dźensa z kolesom
abo hišće jónu z klepotatym mopedom?
Dyrbju dźensa wšitko wobstarać
abo móžu z tym tež hač do jutře dočakać?
Pomham starej žonje z nakupom
abo hladam, zo ja přińdu zaso spěšnje dom?
Kóždy rozsud je prawy.
Kóždy rozsud je wopačny.
Kóždy rozsud změni moje žiwjenje,
hač jenož k dobremu – štó to wě?
Du po šuli hnydom studować
abo chcu sej najprjedy raz jónu swět wobhladać?
Wuzwolu ja puć mojeho rozuma
abo činju, štož mi radźi moja wutroba?
Chcu ja sebi serbskosć wobchować
abo radšo na druhe wěcy wažnosć kłasć?
Dźeržu swěru swojim přećelam
abo sebi jutře zaso druhich namakam?
Kóždy rozsud je prawy.
Kóždy rozsud je wopačny.
Kóždy rozsud změni moje žiwjenje,
hač jenož k dobremu – štó to wě?
Kóždy rozsud je prawy.
Kóždy rozsud je wopačny.
Kóždy rozsud změni moje žiwjenje,
hač jenož k dobremu – štó to wě?
Kóždy rozsud je prawy.
Kóždy rozsud je wopačny.
Kóždy rozsud změni moje žiwjenje,
hač jenož k dobremu – štó to wě?