Letras
I chalte ab. Aber no immer pumpt das Magma im Arm
Solangs no fliesst, so lang ghörsch du mi flueche
S verbrönnt mir Alles, aber i möcht das nid tuusche
Mir chöi no läbe mitem Magma im Arm
Aber no immer pumpt das Magma im Arm
Solangs no fliesst, so lang ghörsch du mi flueche
S verbrönnt mir Alles, aber i möcht das nid tuusche
Mir chöi no läbe mitem Magma im Arm
1: Lug, mir falte Händ / d Ärde faltet Gebirge
Mir müesse nid dänke / wüu d Zit faltet Stirne
und überall dert wo Tag isch, isch Schatte
und Träne grabe es Bachbett i d Backe
und glych hoff' i, dä Fluss us Träne, dä chunnt nie zum Oug uus
myni Lider sy e Stoumouur Niagara inne, Sahara usse
Sahara usse
Chli Sand us de Ougewinkle rislet i das Glas
vo däm Chnochemaa in Schwarz
so lang, bis i de schlaaff'
drum häb'i mi a däm Stei
bis i gseh, dass my Name scho druffe steit
Solangs no fliesst, so lang ghörsch du mi flueche
S verbrönnt mir Alles, aber i möcht das nid tuusche
Viu nume no d Steine lige glych
Und nei, es isch nid der Wind, es isch nume die Zyt wo zieht.
Eigentlech ischs still, und i meine...
Nume no d Steine lige glych
Und nei, es isch nid der Wind, es isch nume die Zyt wo zieht.
Eigentlech ischs still, und i meine...
Ey ey (Ooh)
Lug, ds Läbe zeichnet mi, o wenns nie würklech talentiert isch gsy
Kes Wunder erkenn' i mi im Spiegel nid
Und i luege us der Ougehöhli
mit Wimpere wi Gitterstäb
und usbräche chan i nume mit däm
(Magma im Arm)
grad wüu der Chopf rouchnet gloube a das
(Magma im Arm)
uf dass es nid abchaltet, aus erstarrt
im Alter wird me immer gschyder, i weiss, d Wahrheit tuet weh (Magma im Arm) und i schrysse e Stei
Und d Lüt säge, was isch Lo, was machsch de für nes Gsicht
Doch es vergeit scho mit der Zyt. Chumm la zersch mau chli Bart drüber wachse (Ooh)
Und i wünsche mer Marmorbacke, wi bin ere Statue
Nur dere cha me nüüt aatue. (Chame nüt aatue)