Revolt Rap

കൊന്നതെത്ര പേരെ നീ

കണ്ട് നിന്നതെത്ര കാലം

നിന്റെ മർദ്ദനങ്ങളിൽ

തല താഴ്ത്തിയതെൻ മാനം

പറഞ്ഞ ഓരോ പഴിയിലും

കിടപ്പതുണ്ട് നിൻ പാഠം

അറിഞ്ഞ ഓരോ നൊടിയിലും

തുളഞ്ഞു പോയതേറെ ആഴം

ഒരേ മണ്ണിലറുതി ഒരേ ചുവപ്പ് രക്തം

ഒരേ വിണ്ണ് മേലെ ഒരേ നീലയെങ്ങും

ഒരേ മണ്ണിലറുതി ഒരേ ചുവപ്പ് രക്തം

ഒരേ വിണ്ണ് മേലെ ഒരേ നീലയെങ്ങും

ഒരേ മണ്ണിലറുതി ഒരേ ചുവപ്പ് രക്തം

ഒരേ വിണ്ണ് മേലെ ഒരേ നീലയെങ്ങും

എന്തിന്ന് കാക്കണം

ആരെ ഇനിയും വാഴ്ത്തണം

പോരിന് കൂട്ടണം

കുഞ്ഞു മിഴി നനയ്ക്കണം

മാറ്റമുണ്ടാകണം

അറിവായുധമാക്കണം

പോരൊഴിവാക്കണം

ഉള്ളിലലിവ് കാക്കണം

വരും കാലമോർക്കണം

എല്ലാം നാമോർക്കണം

അവരെയും ഓർക്കണം

ഈ മണ്ണിൽ നാം വാഴണം

മാറ്റമുണ്ടാകണം

അറിവായുധമാക്കണം

പോരൊഴിവാക്കണം

ഉള്ളിലലിവ് കാക്കണം

വിടുതൽ ദൂരെയുണ്ട്

കാലം കരുതണുണ്ട്

അടയാത്ത മിഴികളുണ്ട്

തളരാതെ കാക്കണുണ്ട്

ചേരാൻ കൈകളുണ്ട്

ഇടറാത്ത കാൽകളുണ്ട്

പതറാത്ത മെയ്യതുണ്ട്

പൊലിയാത്ത മനമതുണ്ട്

ഉള്ളിൽ കനലതുണ്ട്

അണയാതെ എരിവതുണ്ട്

അടരാതെ നമ്മളുണ്ട്

വിടരാൻ വസന്തമുണ്ട്

ഉള്ളിൽ കനലതുണ്ട്

അണയാതെ എരിവതുണ്ട്

അടരാതെ നമ്മളുണ്ട്

വിടരാൻ വസന്തമുണ്ട്

അവർ തന്നൊരറിവിൽ

പലനാളായ് നാം പാടീ

പല കോലങ്ങളിലാടീ

തേടീ കഥകൾ

പാടിപ്പറഞ്ഞ കഥകൾ

നാവേറിയ നേരിൻ ചരിതം

മാറീ കഴുവേറീ കുഴിമാടങ്ങളിലായ്

ആരുതീർത്ത മതിലിത്

ആരെ കാത്ത മടയിത്

കൺകാണാ ചതികളിൽ

വഴുതിവീണ വിടുതല്

ആര് കണ്ട കനവിത്

ആർക്ക് വേണ്ടിയെഴുതിയത്

ആരുമില്ലാത്തവർക്ക്

നീയെന്ന നുണയത്

ആരുതീർത്ത മതിലിത്

ആരെ കാത്ത മടയിത്

കൺകാണാ ചതികളിൽ

വഴുതിവീണ വിടുതല്

ആര് കണ്ട കനവിത്

ആർക്ക് വേണ്ടിയെഴുതിയത്

ആരുമില്ലാത്തവർക്ക്

നീയെന്ന നുണയത്

ആരുതീർത്ത മതിലിത്

ആരെ കാത്ത മടയിത്

കൺകാണാ ചതികളിൽ

വഴുതിവീണ വിടുതല്

ആര് കണ്ട കനവിത്

ആർക്ക് വേണ്ടിയെഴുതിയത്

ആരുമില്ലാത്തവർക്ക്

നീയെന്ന നുണയത്

ആരുമില്ലാത്തവർക്ക്

നീയെന്ന നുണയത്