KANNATALLI

పల్లవి

కన్నతల్లి కరుణించి బ్రోవుమిక -

నన్యుడని మనసా వేరెంచక

అనుపల్లవి

సన్నుతింతు నరుణాద్రిపురి వెలయు -

సాంబశివుని ముద్దు మోహనాంగీ

చరణం

శాంతరూపి శరదిందుకళాధరి -

చండభైరవీ త్రిశూలినీ

సంతోషముగ ముద్దుగా నభీష్టమొసగు -

సన్నుతాంగి సాధుపోషణీ

పంతముగను రంభాది కాంతలు -

పంతువరాళి పదచాళిని

వింతగాను కొలువుండు వేళలో

వేడ్కమీర నానందభైరవి

కన్నతల్లి

చరణం

కంబుకంఠి కలహంసగామిని

కౌమారి పరమకల్యాణి

అంబుజాక్షులెల్ల వేగ సురటి విసరే -

టందము గనుగొని

తుంబురు నారదులెల్ల నీ మహిమ -

తొలి జామున వీణను బిలహరిని

గంభీరముగ శంకరాభరణమును -

గానములను సేయుదు రనుదినమును

కన్నతల్లి

చరణం

నగరాజకుమారి నీతోడి -

నాణెముగల దైవము లేదనుచు

జగతిలోన జనులెల్ల పొగడగను

జలజనేత్రి మధ్యమావతి

సొగసుగాను సారంగ నయనలు

సొంపుమీర సారంగ మీటుచు

బాగుగాను పాడ నసావేరి -

బాల వేణుగోపాలసోదరి

కన్నతల్లి!