BOTTUGATTINA

పల్లవి

బొట్టుగట్టినవాని యింటికి - పోయి వచ్చెద నాసామి

అనుపల్లవి

పుట్టినింటనే యుండుట సతులకు

పొసగునా వేణుగోపాల

చరణం

చెలియలిపెండ్లికి దిరుగా వచ్చెద -

నెలదినములలో నేను

చెలిమి యింతలో మరువక యుండుమీ -

చెలువుడ నీ మదిలోను

కలుగజేసె నీ నడవడి దైవము -

కులభామల కెల్లను

నిలువరముగ నీ దయ యిందుండితే -

నీ సొమ్మేగాదా ఈ మేను /బొట్టు//

చరణం

తిరునాళ్ళనుచు నీవయినా యొక -

పరి యందాక రారా

గురుతు జూచుచుండుదు నీ వేలి యుం -

గరమయినా యీరా

విరహ మోర్వలేనంటివి యేరా -

యిరువరులకు సరిపోరా

మరిమరి సెలవిమ్మని యడిగితే నా -

మాటలు బట్టవు వోరి నాసామి /బొట్టు//

చరణం

కోరిక లొకసారి తీరెగదా యిక -

గొబ్బున సెలవీయరాదా

శౌరి వేణుగోపాల తిరుగా చల -

పోరుట మరియాదా

వారు వీరు మన జాడలు జూచితే -

యేరా మోసము గాదా .

తీరదింక నేనేమిసేయుదు -

దేవుడలిగిని మనమీద //బొట్టు//