Letras
جاع الخلق وقفت الزنقة بالهارب
شعب يقرّق عالقدمات عل المشارب
الكل تفرّق لا نفعت خبرة لا تجارب
المكثر ركب حلق مكان اللحية و الشارب
الناس الفالسة الكادسة مشي عالشافة
الناس بينها و بين الحلال مسافة
اللقمة الباردة الرزق مالهيافة
بلاد الذر الشاردة بلاد حكم الكرّافة
...كان الجهل كان البهامة
عشنا لنا مع الوالدين اما تقيدنا يتامى
تمدت الروس كان على كرسي الحجامة
ما قعد فينا وصايا خلاف الخير و السلامة
خلاف العقول المجمّدة
خلاف القلوب الباردة الساكنة بين العظام المكمّدة
الالسن الساردة غير الاثام شملمدة
العيشة الضنكا الماردة تقتل فينا متعمدة
جري جري ،
جري الوحوش وراء سراب وعود الهري هري
بلاد عناد مري عندكش تعري ورّي
Fuckin grimy Dirty ، قوم دزان البيدق وينك baby chérie
نعيش برّي برّي
عيشة الذيب و لا تتبيع الذري مانشبهش لغيري
اني لي دفنت كبيري
و خيار من باقي اليوم ما مالي عينيا انظري
اضوي انطري شبيبة مبيّلة
زوز فرنك حرام و العيشة سهيلة
زوز حروف الغرام شباب متحيلة
قْرام و دوبل قْون في قْواتن القلوب مقيّلة
ناس ترابي تسمعها مرة ما تعاود
كي البقر تمضغ ترحي في المعاود
بين كذّاب و مدك و الراس لمقوّد
وبين مذيع ما نفك يتروقص لين وجهو تسوّد
Me I m so proud حتى و لو ما فما جزاء
مشات ناس وجات ناس واني Still هنا
شكونو اللي كيفي لا ، مانا حتى نفس العركة
هات لنا الصفى يزي اتكّى فيه البركة
رابورات الشركة شجابهم حذايا
عود ،فركة قلي شفرقو عالولايا
خدمة المزايا لنا ما خذيتها هواية
و ايام الشدة شكون لي وقف غير الناس نسّاية
متعودين بالنكرة
ندم تقشير وجوه حشومة بعد ما تفيق مالسكرة
شباقي تتذكرى منها خلاف العيب
شبقى في سلاسل مسكرة: كعبات لوز في الجيب
مكتفين في بلاد شنابرها مستفين
منتفين لولاد شوفولهم مس فين ؟
مستكتمين الانفاس الموتة الحيين
مطيّشين وسط الكيّاس شباب العشرة بألفين
منسين ناس مغبّنة
تعب سنين في الريح بلاد تحب القحاب المبنة
منها هربنا الوحش و لا ملامة علينا
الأرض ارض ربنا ولا قعاد في بلاد تاذينا
اني كاتب تدوينة راب موش على تويتري
تعصر المخ صار الوجه اكحل تيتري
نفهم في ناس السمع معدل عالحبيطري
نخاطب في عقل شمع آخر مشكلتو ينيك سبيدري
ماك تيدري جبن هالراتسة
وطن للبيع جابولو شعب جديد في قراطسة
رجال و غاطسة بين المحن تغفّق
و الكنغو علينا عاطسة و برازافيل تصفق
قص و لصّق وزيّن قبحك بالجارة
خاوة خاوة 700 صدقة امارة
نفخت رياح البرد على بلادي يا خسارة
و اني ما نبيع القرد اما نضحك على الجبارة