Adharam Madhuram Madhurashtakam By Suprabha KV

अधरं मधुरं वदनं मधुरं

नयनं मधुरं हसितं मधुरम्

हृदयं मधुरं गमनं मधुरं

मधुराधिपतेरखिलं मधुरम्

वचनं मधुरं चरितं मधुरं

वसनं मधुरं वलितं मधुरम्

चालितं मधुरं भ्रमितं मधुरम्

मधुराधिपतेरखिलं मधुरम्

वेणुर्मधुरो रेणुर्मधुरः

पाणिर्मधुरः पादौ मधुरौ

नृत्यं मधुरं सख्यं मधुरं

मधुराधिपतेरखिलं मधुरम्

गीतं मधुरं पीतं मधुरं

भुक्तं मधुरं सुप्तं मधुरम्

रूपं मधुरं तिलकम् मधुरम्

मधुराधिपतेरखिलं मधुरम्

करणं मधुरं तरणं मधुरं

हरणं मधुरं रमणं मधुरम्

वमितं मधुरं शमितं मधुरम्

मधुराधिपतेरखिलं मधुरम्

गुञ्जा मधुरा माला मधुरा

यमुनां मधुरा वेचि मधुरा

सलिलं मधुरं कमलम् मधुरम्

मधुराधिपतेरखिलं मधुरम्

गोपी मधुरा लीला मधुरा

युक्तं मधुरं मुक्तं मधुरम्

दृष्टं मधुरं शिष्टं मधुरम्

मधुराधिपतेरखिलं मधुरम्

गोपा मधुरा गावो मधुरा

यष्टिर्मधुरा सृष्टिर्मधुरा

दलितं मधुरं फलितं मधुरम्

मधुराधिपतेरखिलं मधुरम्