Letras
Nagkadugay nagkagamay ning kinabuhi
Sa kita nagkadako
Way pahuway nagkagidlay nangitag sapi
Kay gusto man madato
Paunhanay nagpinamaay'og nakiglumba kung unsa nay naabot
Nakigtigi ug nakigsangka's huna-huna nga kita ray kasabot
Nabantayan kong kasagaran sa katawhan nagdali man sa padulngan
(Talawan mabiyaan)
Halos tanan hadlok malabwan
Nga atong abtan kay parehas mag lubnganan
Pamalandungon,
Hatagan natog higayon, atong lantawon
Ang kaanindot sa karon nga wa gahapon
Di kinahanglan dali-on ang kaugmaon
Nagkadugay nagkalisud ning kinabuhi
Sa kita nagkadako
Tinud-anay man pud kalipay kung kontento
Bisan pag di ta dato
Hinay-hinay'g kisay-kisay,
Anam-anam tikang-tikang, gagmay-gagmay
Dali-dali, sayop-sayop
Sa ulahi, basul-basul, mahay-mahay
Bahala nag madugay basta kay sigurado
Dili pa ka hangakon sa sige ug dakop
Pasagdi-e rana diha mga apurado
Dili mana manabang kung wala kay abot
Basta padayon lang kanunay sa paningkamot
Sa kahitas-an dili lang jud ta kalimot
Bisag lawom, dunay gahom ang paglaom
Inubanan sa pagsalig nga hugot
Pamalandungon,
Hatagan natog higayon, atong lantawon
Ang kaanindot sa karon nga wa gahapon
Di kinahanglan dali-on ang kaugmaon
Nagkadugay nagkagamay ning kinabuhi
Kung kita* nagkadako
Way pahuway nagkagidlay nangitag sapi
Kay gusto man madato
Paunhanay nagpinamaay'og nakiglumba kung unsa, nay naabot
Nakigtigi ug nakigsangka's huna-huna nga kita ray kasabot
Kita ra jud'y nakasabot, Kita ra jud'y makasabot