Letras
Léspri angarousté
Dann in boukanaz dolo
Kit lo vapér monté
An niyaz dann in ganblo
La natir i réyone
I pèt an flér
Konm la Kiltir i rézone
Dann in fonnkér
Tizane lé so dan la kizine
Sa mon lidéosinkrasine (sink rasine, sink rasine)
Zérbaz andémik
I anrasine dan la baz kosmik
Si la tér sa lé inik
Tiz in tizane matarom
Aprésié lo présié larom !
Om !
Pli k'mi avane
Pli k'li boukane
I fé bwi lo tizane
I fanafout,
I anvout
Léspri la foré i plane
Léspri la Tér lé dann tizane
Safran Tin-Sitroné
Bouké lésans vital i fane
Kit ali boukané
Ralim son flam
Résof ton lam, ton lam
Léspri, lo kér, lo kor, Tizané !
Rod linspirasion
Dann in bouké sitronèl
Bwazone vérvinn
Marizolinn
Sinon lékors kanèl
Sanzékors ! Mao !
Kosa in soz?
Li rann son lam,
Li minm i vérs in larm
Dan lo séo
Na vétivér
Konman kado linivér
La tér i tiz anou, Fo nou tizane la tér
In Söley lor
In solèy vér
Spot vér lazér
Na mélanz in kou son koulér,
Son koulér èk lo son roulér
Tiz in tizane matarom
Aprésié lo présié larom !
Om !
Pli k'mi avane
Pli k'li boukane,
I fé bwi lo tizane
I fanafout,
I anvout
Léspri la foré i plane
Léspri la Tér lé dann tizane
Safran Tin-Sitroné
Bouké lésans vital i fane
Kit ali boukané
Ralim son flam
Résof ton lam, ton lam
Léspri, lo kér, lo kor, Tizané !
Siyanndan
Lo romèd lé dann romarin dann syindan