YECCHOTI

॥పల్లవి॥ ఎచ్చోటి కేఁగిన యెప్పుడూఁ దమలోని -

మచ్చిక పెనుఁదెవులు మానకపోయె

॥చ1॥ పాయపు సతులగుబ్బల పెదపొట్లాల

కాయము వడి నొత్తి కాఁచఁగను

రాయిడిచే ఘనమాయఁగాని లోని-

మాయపు పెనుఁదెవులు మానకపోయె

॥చ2॥ అతివల మోహపుటధరామృతములు

యితవుగ నోరి కందియ్యఁగను

అదిమోహమే ఘనమాయఁగాని లోని-

మతకరిపెనుఁదెవులు మానకపొయె

॥చ3॥ తరుణుల మేనిమెత్తనిపరపులమీఁద-

నిరవుగ నిటు సుఖియించఁగను

తిరువేంకటాచలాధీశుకృపచేఁగాని

మరుచేతి పెనుఁదెవులు మానకపోయె